ŞAHMAT ÜZRƏ BEYNƏLXALQ TURNİRDƏ ÜÇÜNCÜ TURDA OYNAYACAQ RƏQİBLƏR MÜƏYYƏNLƏŞMİŞDİR
Bakı, 8 may (AZƏRTAC). “ÜNS” Yaradıcılıq Səhnəsində ümummilli lider Heydər Əliyevin anadan olmasının 86-cı ildönümünə həsr olunmuş “Prezident kuboku” şahmat turniri davam edir.
Bu gün keçiriləcək 3-cü turda Azərbaycan şahmatçısı Vüqar Həşimovun rəqibi ukraynalı Serqey Karyakin olacaqdır. Yığmamızın digər üzvlərindən Şəhriyar Məmmədyarov dünya çempionu Vişvanatan Anandla, Qədir Hüseynov keçmiş dünya çempionu Vladimir Kramniklə, Teymur Rəcəbov isə son dünya kuboku turnirinin gümüş mükafatçısı Aleksey Şirov ilə qarşılaşacaqdır.
Bu turda həmyerlilərimizdən Vüqar Həşimov və Qədir Hüseynov ağ, Şəhriyar Məmmədyarov və Teymur Rəcəbov isə qara fiqurlarla oynayacaqlar.
Bölmənin digər xəbərləri
