“Şamaxı torpağının yetirdiyi böyük Azərbaycan şairləri” kitabı çapdan çıxmışdır
Bakı, 30 mart (AZƏRTAC). “Ozan” nəşriyyatında mərhum akademik Bəkir Nəbiyevin “Şamaxı torpağının yetirdiyi böyük Azərbaycan şairləri (elmi-kütləvi oçerklər)” kitabı işıq üzü görmüşdür.
AZƏRTAC xəbər verir ki, Azərbaycan Milli Elmlər Akademiyası Nizami adına Ədəbiyyat İnstitutunun qərarı ilə nəşr olunmuş kitabda mərhum akademik Bəkir Nəbiyevin qədim və zəngin Şirvan ədəbi mühitinin yetirdiyi böyük Azərbaycan şairləri-Əfzələddin Xaqani, İmadəddin Nəsimi, Seyid Əzim Şirvani, Mirzə Ələkbər Sabir, Abbas Səhhət və Məhəmməd Hadiyə həsr etdiyi elmi-kütləvi oçerklər yer almışdır.
Kitabın elmi redaktoru filologiya elmləri doktoru Asif Rüstəmlidir.
Ömrünün sonunadək 60-a yaxın monoqrafiya və məqalələr toplusu, 800-dən çox məqalə, resenziya, oçerk və müsahibələri dərc olunmuş akademikin bu kitabı da geniş oxucu kütləsi üçün nəzərdə tutulmuşdur.
Bölmənin digər xəbərləri
