MƏDƏNİYYƏT
Selçuk Karakılıç “MasterChef Türkiyə"nin Azərbaycan buraxılışı ilə bağlı açıqlama verib VİDEO
Bakı, 24 avqust, AZƏRTAC
Bakı Yunus Əmrə İnstitutunun dəstəyi ilə Azərbaycan mətbəxini, memarlığını, şəhərlərini və incəsənətini təbliğ etmək məqsədilə təşkil edilən proqramda Azərbaycan yeməkləri hazırlanacaq.
AZƏRTAC xəbər verir ki, Bakı Yunus Əmrə İnstitutunun direktoru Selçuk Karakılıç Şuşanın 2023-cü ildə “Türk dünyasının mədəniyyət paytaxtı” olması səbəbilə Azərbaycan sivilizasiyasını və turizm potensialını dünyaya tanıtmaq üçün “MasterChef Türkiyə”ni Bakıya gətirdiklərini, Bakının simvollarını, mədəni mühitini və Şuşanı tanıtdıqlarını qeyd edib.
Dövlət Turizm Agentliyinə də təşəkkürünü bildirən Selçuk Karakılıç “MasterChef Türkiyə”nin Bakıdakı çəkilişlərində və Azərbaycanın tanıdılmasında agentliyin böyük rolu olduğunu vurğulayıb.
Qeyd edək ki, “MasterChef Türkiyə”nin Azərbaycan buraxılışı bu gün Bakı vaxtı ilə saat 21:00-da “TV8” telekanalında yayımlanacaq.