Şirvanda mülki müdafiə dəstələri ilə nümunəvi mülki müdafiə məşqi keçirilib
Şirvan, 24 avqust, Aydın Yavərzadə, AZƏRTAC
Şirvan şəhər hərbiləşdirilməmiş ərazi mülki müdafiə dəstələri ilə xəbərdarlıq toplanışı üzrə nümunəvi mülki müdafiə məşqi keçirilib.
AZƏRTAC-ın bölgə müxbiri xəbər verir ki, “Fövqəladə hadisələr zamanı hərbiləşdirilməmiş ərazi mülki müdafiə dəstələrinin xəbərdarlıq toplanışı siqnalı üzrə fəaliyyəti" mövzusunda keçirilən tədbirə Fövqəladə Hallar Nazirliyinin (FHN) Muğan Regional Mərkəzinin aidiyyəti struktur bölmələri, şəhər icra hakimiyyətinin Mülki müdafiə qərargahı və Fövqəladə Hallar Komissiyası, ərazi mülki müdafiə qüvvələrinin şəxsi heyəti cəlb olunub.
Məqsəd ərazi mülki müdafiə qüvvələrinin fövqəladə hallara operativ reaksiyavermə hazırlığı səviyyəsinin yoxlanılması və böhran vəziyyətlərində birgə fəaliyyətlərin uzlaşdırılması, komandir-rəis heyətinin idarəetmə üzrə bilik və bacarıqlarının təkmilləşdirilməsi, şəxsi heyətə xəbərdarlıq toplanışı üzrə əməli vərdişlərin aşılanması olub.
Məşq zamanı hərbiləşdirilməmiş ərazi mülki müdafiə dəstələrinin fövqəladə hal barədə xəbərdar edilməsi, xəbərdarlıq toplanışı siqnalı ilə qaldırılması, toplanma məntəqəsinə yürüş, toplanış və idarəetmənin təşkili üzrə fəaliyyətləri yoxlanılıb, həmçinin funksional vəzifələrlə bağlı məruzələr dinlənilib.
Tədbirdə iştirak edən şəhər icra hakimiyyətinin başçısı İlqar Abbasov, FHN-in Muğan Regional Mərkəzinin rəisi Vüqar Ağayev, şəhərin hüquq-mühafizə orqanlarının və aidiyyəti müəssisə və təşkilatların rəhbərləri tərəfindən məşqə baxış keçirilib.
Uğurla reallaşdırılan məşqdən sonra əldə edilmiş nəticələr müzakirə olunub, aidiyyəti üzrə tapşırıqlar verilib.
Bölmənin digər xəbərləri
