STRASBURQDA RBS RADİOSUNDA AZƏRBAYCANLA BAĞLI İKİ SAATLIQ VERİLİŞ YAYIMLANMIŞDIR
Bakı, 30 mart (AZƏRTAC). Martın 29-da Fransa vaxtı ilə saat 15.00-dan 17.00-dək Strasburqda fəaliyyət göstərən Azərbaycanla Mədəni Əlaqələr Dərnəyi və Strasburq Azərbaycan Evinin təşəbbüsü və təşkilatçılığı ilə 2009-cu ildə ilk radio proqramı səslənmişdir.
Diaspor ilə İş üzrə Dövlət Komitəsinin mətbuat xidmətindən bildirmişlər ki, Azərbaycan haqqında ətraflı məlumatla zəngin olan bu proqram fransız dilində yayımlanmışdır. Azərbaycan musiqisi ilə müşaiyət olunan və ayda bir dəfə səsləndirilməsi nəzərdə tutulan radio verilişində ölkəmizin tarixi, mədəniyyəti, bu günü, beynəlxalq əlaqələri, dünyanın müxtəlif yerlərində yaşayan gorkəmli azərbaycanlı haqqında məlumatlar veriləcəkdir. İlk proqram əsasən Novruz bayramına həsr olunmuşdur. Verilişdə Srtasburq Azərbaycan Evinin rəhbəri Mustafa Alınca, diasporumuzun fəalları Elvin Abbasbəyli, Laçın Bayramova, Şahin Hüseynli, Alqan Eldəniz çıxış etmişlər.
Proqramı Strasburq və şəhərə yaxın ərazilərdə yaşayanlar FM dalğa vasitəsilə 91.9 MHZ-də dinləmişlər. Digər ölkələrdə yaşayan soydaşlarımız isə bu verilişi http://radiorbs.support-fr.org:8000/RBS.m3u və ya http://radiorbs.support-fr.org:8000/RBS (http://www.radiorbs.com) internet saytında izləmişlər.
Bölmənin digər xəbərləri
