Taqanroq şəhərində kafeyə raket düşüb, 15 nəfər yaralanıb
Bakı, 28 iyul, AZƏRTAC
Taqanroqda kafelərin birində partlayış olub, yaralananlar var.
AZƏRTAC TASS agentliyinə istinadla xəbər verir ki, Rostov vilayətinin qubernatoru Vasili Qolubev partlayışdan sonra tibbi müəssisələrə 15 nəfərin müraciət etdiyini bildirib. Onların hamısı qəlpə yaraları alıb.
Qubernatorun sözlərinə görə, partlayış incəsənət muzeyinin ərazisində baş verib. Muzeyin divarı, dam örtüyü, qarajlar və yardımçı tikililər dağılıb. Qonşuluqdakı üçmərtəbəli yaşayış binasına da zərər dəyib.
Rusiya Müdafiə Nazirliyindən bildiriblər ki, Ukrayna S-200 hava hücumundan müdafiə sisteminin zenit raketi ilə Taqanroqun yaşayış infrastrukturuna zərbə endirib. İlkin məlumata görə, 14 nəfər xəsarət alıb, onlardan 7-si xəstəxanaya yerləşdirilib.
Hazırda hadisə yerində yanğınsöndürənlər və xilasedicilər işləyirlər.
Bölmənin digər xəbərləri
