Təhsildə Keyfiyyət Təminatı Agentliyi əməkdaşlıq əlaqələrini genişləndirir
Bakı, 24 may, AZƏRTAC
Təhsildə Keyfiyyət Təminatı Agentliyi (TKTA) və Qazaxıstanın akkreditasiya təşkilatı “Təhsildə Keyfiyyətin Təminatı üzrə Müstəqil Agentlik - IQAA” arasında anlaşma memorandumu imzalanıb.
TKTA-dan AZƏRTAC-a bildirilib ki, memorandumun əsas məqsədi iki ölkənin ali təhsil sahəsində təhsilin keyfiyyətinin artırılması, ali məktəblərdə keyfiyyət mədəniyyətinin formalaşmasına töhfə verməkdir. Eyni zamanda, bu işdə qarşılıqlı təcrübə, məlumat və ekspert mübadiləsini təmin etmək, müştərək təhsil layihələrinin icrasını təşkil etməkdir.
Əməkdaşlıq Azərbaycan təhsilinin beynəlmiləlləşməsinə müsbət təsir göstərərək təhsil sahəsində ölkələrarası münasibətlərin genişləndirilməsinə xidmət edəcək. Keyfiyyət təminatı sahəsində imzalanan ikitərəfli memorandum TKTA-nın digər beynəlxalq agentliklərlə də yeni əməkdaşlıq əlaqələrinin qurulmasına təkan verəcək.
Bölmənin digər xəbərləri
