“Titan” batiskafının qəzaya uğradığı ərazidə tapılan insan qalıqları sahilə çıxarılıb
Bakı, 29 iyun, AZƏRTAC
Atlantik okeanında “Titan” batiskafının qəzaya uğradığı ərazidə insan qalıqları tapılıb.
AZƏRTAC xəbər verir ki, bu barədə ABŞ Sahil Mühafizə Xidməti məlumat yayıb.
Qəzaya uğrayan batiskafın bəzi hissələri ilə yanaşı, insan qalıqları da sahilə çıxarılıb.
Xatırladaq ki, turistləri “Titanik”in qəzaya uğradığı yerə aparan sualtı qayıq iyunun 19-da Atlantik okeanında yüksək təzyiqdən partlayıb. “Titan”ın göyərtəsində britaniyalı milyarder Hemiş Hardinq, batiskafın sahibi - “OceanGate” kompaniyasının rəhbəri Stokton Raş, pakistanlı biznesmen Şahzada Davud və onun oğlu Süleyman, fransalı okeanoqraf Pol-Anri Narjole olub. Onların qəzada öldüyü bildirilir.
Bölmənin digər xəbərləri
