Traktorun qaz xəttini zədələməsi nəticəsində bəzi ərazilərin qaz təchizatında fasilə yaranıb
Bakı, 24 avqust, AZƏRTAC
“Sumqayıt-Yaşma” magistral qaz xəttini traktor qazma işləri aparan zaman zədələdiyi üçün qəza halı ilə əlaqədar olaraq qaz təchizatı avqustun 24-də saat 10:10-dan dayandırılıb.
AZƏRTAC xəbər verir ki, bu barədə “Azəriqaz” İstehsalat Birliyi məlumat yayımlayıb.
Məlumatda bildirilib ki, Xızı və Siyəzən rayonlarının, həmçinin Sumqayıt şəhərinin qaz təchizatında müvəqqəti fasilələr yaranıb. Hazırda təmir-bərpa işləri aparılır.
Bölmənin digər xəbərləri
