Ukrayna: saat 15:00-a olan məlumata görə səsvermədə fəallıq 65 faizdən yuxarıdır
Kiyev, 11 aprel, AZƏRTAC
Yerli vaxtla saat 15:00-a olan məlumata görə, ölkəmizin Ukraynadakı səfirliyinin konsulluğunda qeydiyyatda olan Azərbaycan vətəndaşlarının 65 faizdən çoxu səsvermədə iştirak edib.
AZƏRTAC xəbər verir ki, gün ərzində Azərbaycanın Ukraynadakı səfirliyində seçici fəallığı müşahidə olunmaqdadır.
Ukraynanın Kiyev, Xarkov, Dnepr, Odessa, Sumı və bir sıra şəhərlərində yaşayan Azərbaycan vətəndaşları, gənclər və tələbələr Azərbaycanın Ukraynadakı səfirliyinə gələrək sərbəst və azad qaydada öz seçimlərini edirlər.
Səsvermə prosesi Ukrayna KİV-lərinin də diqqət mərkəzindədir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
