Ukraynada güclü külək ciddi fəsadlar yaradıb, ölənlər var
Kiyev, 11 mart, AZƏRTAC
Ukraynada güclü küləklə müşahidə olunan qeyri-sabit hava şəraiti dağıntılar və ölümlə nəticələnib.
AZƏRTAC xəbər verir ki, paytaxt Kiyevdə güclü külək yaşayış evlərinin, idarələrin dam örtüyünü dağıdıb. Nəticədə 20-yə yaxın maşın əzilib, xəsarət alanlar var.
Bundan başqa Vinnitsa vilayətində güclü külək ağacları aşırıb, nəticədə 11 yaşlı qız və 29 yaşlı qadın həlak olub.
Qeyd edək ki, sinoptiklər martın 11-də Ukrayna ərazisinin əksər yerlərində güclü küləyin olacağı barədə xəbərdarlıq ediblər.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
