XARİCİ ÖLKƏLƏRDƏ YAŞAYAN AZƏRBAYCANLILARLAƏLAQƏLƏR GENİŞLƏNİR
Komitədən AZƏRTAC-a bildirmişlər ki, nümayəndə heyəti Novosibirsk, Ufa, Kaluqa, Çelyabinsk, Yekaterinburq, Perm şəhərlərində soydaşlarımızın problem və qayğıları ilə tanış olublar.
Perm, Novosibirsk, Sverdlovsk vilayətlərinin qubernatorları və digər rəsmi şəxsləri ilə keçirilən görüşlərdə azərbaycanlıların problemləri ətrafında fikir mübadiləsi aparılmış, Azərbaycan milli-mədəni mərkəzləri binalarının tikintisi üçün torpaq sahələrinin ayrılması haqda razılığa gəlinmişdir. Vilayətlərin rəhbərləri soydaşlarımızın işləməsi üçün əmək kvotalarının artırılmasının mümkünlüyünü bildirmişlər.
Perm Vilayəti Daxili İşlər İdarəsi miqrasiya işləri şöbəsinin rəisi V.Fadayevlə görüşdə yerli azərbaycanlıların qeydiyyatı və miqrasiyası problemi müzakirə edilmiş, bu işi birgə fəaliyyət əsasında tənzimləmək barədə razılığa gəlinmişdir.
Yaxın zamanlarda Perm vilayətindəki Azərbaycanlıların Cəmiyyəti ilə Miqrasiya xidməti arasında soydaşlarımızın əmək fəaliyyətinin həyata keçirilməsi üçün icazə hüququ verən xüsusi razılaşma imzalanacaqdır.
Azərbaycan diasporunun nümayəndələri və rəhbərləri ilə keçirilən görüşlərdə soydaşlarımızla komitə arasında əlaqələrin daha da genişləndirilməsi barədə qərar qəbul olunmuşdur.
Bölmənin digər xəbərləri
