SİYASƏT
Xarkovda Dünya Azərbaycanlılarının Həmrəyliyi Günü qeyd olunur
Kiyev, 12 dekabr, AZƏRTAC
Dekabrın 17-də N.Lısenko adına Xarkov Milli Akademik Opera və Balet Teatrında Dünya Azərbaycanlılarının Həmrəyliyi Gününə həsr olunmuş Azərbaycan-Ukrayna gecəsi keçiriləcək. Bu barədə AZƏRTAC-a Azərbaycanın Xarkovdakı fəxri konsulu Əfqan Salmanov məlumat verib.
Fəxri konsul tərəfindən təşkil olunmuş tədbirdə Azərbaycanın Ukraynadakı səfiri Eynulla Mədətli, Kiyevdə və Xarkovda akkreditə olunmuş diplomatik korpusun nümayəndələri, Azərbaycan səfirliyinin əməkdaşları, Azərbaycanın Diasporla İş üzrə Dövlət Komitəsinin, Ümumukrayna və Xarkov diaspor təşkilatlarının, Ukrayna ictimaiyyətinin, Azərbaycan KİV-lərinin və yerli KİV-lərin nümayəndələri iştirak edəcəklər.
Zeynal Ağazadə
AZƏRTAC-ın xüsusi müxbiri
Kiyev