XVII Avropa Gənclər Olimpiya Festivalının ikinci günündə dörd cüdoçumuz tatamiyə çıxacaq
Bakı, 26 iyul, AZƏRTAC
Sloveniyanın Maribor şəhərində keçirilən XVII Avropa Gənclər Olimpiya Festivalının ikinci günündə 4 cüdoçumuz tatamiyə çıxacaq.
AZƏRTAC xəbər verir ki, qızların yarışında Vüsalə Hacıyeva (48 kq) və Xədicə Qədəşova (52 kq), oğlanların mübarizəsində isə Məhəmməd Musayev (60 kq) və Cəsur İbadlı (66 kq) medallar uğrunda mübarizə aparacaqlar.
Qeyd edək ki, ötən gün milli komandamız üzvləri Nihad Məmişov (50 kq) və Ayxan Mirzəzadə (55 kq) bürünc medal əldə ediblər.
Bölmənin digər xəbərləri
