YENİ MİNİATÜR KİTAB
Cəmiyyətin idarə heyətinin sədri Zərifə Salahova AZƏRTAC-ın müxbirinə demişdir ki, kitaba Azərbaycan Respublikasının Prezidenti İlham Əliyevin bu il oktyabrın 31-də Respublika sarayında keçirilmiş andiçmə mərasimindəki nitqi daxil edilmişdir. “Müdrik Heydər Əliyevin əsəri olan müasir Azərbaycan dövləti bundan sonra da güclənəcək, zənginləşəcək və hərtərəfli inkişaf edəcəkdir” sözləri kitaba epiqraf seçilmişdir. Kitabda Prezident İlham Əliyevin bir neçə rəngli şəkli, formatda isə Azərbaycanın memarlıq və mədəniyyət abidələrini əks etdirən xəritə verilmişdir.
Ölçüsü 38 X 53 millimetr olan və 152 səhifədən ibarət bu kitab Azərbaycan, rus və ingilis dillərində çap olunmuşdur.
Bölmənin digər xəbərləri
