Yens Stoltenberq: Rusiyanı düzgün qiymətləndirməmək təhlükəlidir
Bakı, 5 yanvar, AZƏRTAC
Rusiyanı düzgün qiymətləndirməmək təhlükəlidir, NATO-nun daha çox əsgərə və silaha ehtiyacı var.
AZƏRTAC Reuters agentliyinə istinadla xəbər verir ki, bu barədə NATO-nun Baş katibi Yens Stoltenberq bildirib.
“Prezident Vladimir Putinin Ukrayna ilə bağlı planının və məqsədlərinin dəyişdiyinə dair heç bir əlamət yoxdur. Rusiyanı düzgün qiymətləndirməmək təhlükəlidir”, - hərbi blokun baş katibi belə deyib.
O, həmçinin Şimali Atlantika Alyansının daha çox əsgərə və silah-sursata ehtiyacı olduğunu vurğulayıb.
Yanvarın 18-19-da Brüsseldə NATO Hərbi Komitəsinin iclası keçiriləcək. Alyans ölkələrinin silahlı qüvvələrinin baş qərargah rəislərinin iştirak edəcəyi iclasda Ukraynadakı münaqişə ilə bağlı “ilkin müşahidələr” və Kiyevə yardımın davam etdirilməsi məsələsi müzakirə olunacaq.
Bölmənin digər xəbərləri
