YULİYA TİMOŞENKO BLOKUNUN DEPUTATI QULDUR BASQININA GÖRƏ SAXLANILMIŞDIR
30 yaşlı deputat YTB-yə daxil olan “Batkivşşina” (“Vətən”) partiyasının üzvüdür. O, bir dəstə cinayətkar ilə birlikdə 2000-ci il dekabrın 5-də “Tisa-Trans” MMC-yə məxsus “MAN” avtomobilinin sürücüsünə quldurcasına basqın etməkdə şübhəli bilinir. Quldur dəstəsinin maska taxmış 4 üzvü odlu və soyuq silahdan, habelə əl qandalından istifadə etməklə sürücüyə ağır bədən xəsarəti yetirmiş, avtomobili və onun yükünü ələ keçirmişdir.
Quldurların 3-ü elə hadisə yerindəcə yaxalanmışdır. Dördüncünün aradan çıxan və o vaxtdan bəri beynəlxalq axtarışda sayılan həmin deputat olduğu təxmin edilir. O, Çerkassının Pridneprovsk rayon sovetinə YTB-nın siyahısı üzrə bu il martın 26-da seçilmişdir.
Faktla bağlı araşdırma aparılır.
Bölmənin digər xəbərləri
