“Zirə” klubu Riçard Almeyda ilə müqavilə imzalayıb
Bakı, 26 oktyabr, AZƏRTAC
Bakının “Zirə” klubu heyətini yeni futbolçu ilə gücləndirib.
AZƏRTAC kluba istinadla xəbər verir ki, Bakı təmsilçisi Braziliya əsilli milliləşmiş yarımmüdafiəçi Riçard Almeyda ilə anlaşıb.
Otuz bir yaşlı oyunçu ilə cari mövsümün sonunadək müqavilə imzalanıb.
Qeyd edək ki, Azərbaycan millisinin heyətində 22 oyunda 3 dəfə fərqlənən Almeyda daha əvvəl ölkəmizdə “Qarabağ”ın formasını geyinib. O, həmçinin Braziliyanın “Sante Andrade”, Portuqaliyanın “Jil Visente”, Qazaxıstanın “Astana” və Küveytin “Baniyas” klublarında çıxış edib.
Bölmənin digər xəbərləri
