“Zirə”nin legionerləri Afrika Millətlər kuboku yarışlarında məğlubiyyətə üzülüblər
Bakı, 28 mart, AZƏRTAC
Bakının “Zirə” klubunun legionerləri Toni Qomes və İssa Cibrilla Afrika Millətlər kuboku yarışlarında məğlubiyyətə üzülüblər.
AZƏRTAC xəbər verir ki, Toninin formasını geyindiyi Qvineya-Bisau yığması evdə Nigeriyaya 0:1 hesabı ilə uduzub.
İssanın komandası - Niger millisi də Əlcəzairə doğma meydanda eyni hesabla məğlub olub.
Hər iki futbolçu milli komandanın oyununu sonadək ehtiyat oyunçular skamyasından izləyib.
A qrupunda yer alan Qvineya-Bisau dörd turdan sonra yeddi xalla ikinci pillədə qərarlaşıb. Niger yığması isə F qrupunda iki xalla üçüncüdür.
Bölmənin digər xəbərləri
