Mübariz Qurbanlı: Azərbaycanın bölgədə söz sahibinə çevrilməsi İranı və onun hakim dairələrini qıcıqlandırır
Bakı, 6 aprel, AZƏRTAC
İran siyasi dairələrinin işlətdiyi “qırmızı xətt” kimi terminləri çox anormal görünür.
AZƏRTAC xəbər verir ki, bunu jurnalistlərə açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı deyib.
Komitə sədri deyib: “İran tərəfindən Azərbaycana qarşı edilən hərəkətlər Ermənistanla sıx əlaqələrdən irəli gəlir. Eyni zamanda, İran Azərbaycanın güclənməsi, işğal altındakı torpaqlarımızın 44 günlük Vətən müharibəsində azad edilməsi və Prezident İlham Əliyevin bölgədə apardığı siyasət, xüsusilə Azərbaycanın dünya miqyasında və bölgədə söz sahibinə çevrilməsi İranı və onun hakim dairələrini qıcıqlandırır. Onlar müstəqilliyimiz bərpa olunandan bəri ölkəmizə qarşı təxribatçı hərəkətlərini davamlı olaraq həyata keçiriblər. Ümumiyyətlə, İran siyasi dairələrinin işlətdiyi "qırmızı xətt" kimi terminlər çox anormal görünür”.
Bölmənin digər xəbərləri
