İQTİSADİYYAT
“Abşeron” elektrik şəbəkəsində təmir-bərpa və yenidənqurma işləri aparılır
Bakı, 22 aprel, AZƏRTAC
Bu ilin birinci rübündə “Abşeron” Regional Elektrik Şəbəkəsi Müəssisəsinin balansına aid olan yarımstansiyalarda təmir işləri yerinə yetirilib.
“Azərenerji” ASC-dən AZƏRTAC-a verilən məlumata görə, 220 kilovoltluq (kV) “Müşviq” yarımstansiyasında ayrıcılar yenisi ilə əvəzlənib, 220 kV-lik “Səngəçal” yarımstansiyasında eyni gərginlikli “Böyük Şor” hava xəttinin yuvaları quraşdırılıb. Bütün bunlarla yanaşı 110 kV-lik “Binəqədi” yarımstansiyasında yeni quraşdırılmış “Böyük Şor” hava xəttinin yuvalarında olan mühafizə və avtomatika dövrələrinin kabelləri çəkilib. Yenidənqurma və təmir işləri Bakı şəbəkə rayonunun balansına aid olan hava elektrik verilişi xətlərində də aparılıb. Bundan əlavə, 500 kV-lik “Abşeron2 və 220 kV-lik “Səngəçal” yarımstansiyalarında yeni quraşdırılmış “AURA-64” qurğusunun cərəyan və gərginlik dövrələri qoşulub.
Hazırda müəssisədə təmir-bərpa və yenidənqurma işləri davam etdirilir.