“Abşeron” yarımstansiyasında dayanıqlılıq daha da möhkəmləndirilib
Bakı, 3 mart, AZƏRTAC
Bakı şəhəri və regionların elektrik təchizatı dayanıqlılığının daha da möhkəmləndirilməsi istiqamətində “Abşeron” yarımstansiyasında (YS) 330 kilovoltluq paylayıcı quruluşda (PQ) gücü 3x133 meqavat (MVA) avtotransformatorlar quraşdırmaqla, yarımstansiyanın 220 kilovoltluq tərəfinin yenidən qurulması layihələri üzrə tikinti işləri davam etdirilir.
“Azərenerji” ASC-dən AZƏRTAC-a bildiriblər ki, eyni zamanda 110 kV-luq “Suraxanı” YS-da köhnə yağ açarlarının eleqaz açarlarla əvəz edilməsi, digər elektrik avadanlıqlarının dəyişdirilməsi ilə yarımstansiyanın tamamilə yenidən qurulması işləri başa çatdırılıb. Bakı şəhəri və onun ətraf rayonlarının elektrik enerjisi təchizatında müstəsna əhəmiyyət kəsb edən 220 kilovoltluq “Müşfiq” yarımstansiyasında 110 kilovoltluq açıq paylayıcı quruluşda (APQ) ayırıcıların yenisi ilə əvəz edilməsi işlərinə başlanılıb və bu işlərin cari ilin oktyabr ayının sonuna kimi tamamlanması planlaşdırılır.
Ümumiyyətlə, sözügedən dövrdə yeni YS-ların tikilib istifadəyə verilməsi nəticəsində onların 673 MVA-dan artıq yükgötürmə imkanı artırılıb.
Bölmənin digər xəbərləri
