“Abşeronneft” NQÇİ–də çirklənmiş torpaqların bioremediasiyası mərhələsinə başlanılmışdır
Bakı, 10 noyabr (AZƏRTAC). ““Abşeronneft” NQÇİ-nin neft, lay suları və digər tullantılarla çirklənmiş ərazisinin rekultivasiyası” layihəsinin yeni mərhələsində bu idarənin mədən ərazisindəki 5 hektar sahədən 20 min kubmetrədək neft şlamının çıxarılması və bioremediasiyası nəzərdə tutulmuşdur.
“Ekol Mühəndislik Xidmətləri” Qapalı Səhmdar Cəmiyyətindən AZƏRTAC-a bildirmişlər ki, qurum işin davamlılığını və texniki təchizat məsələlərini təmin edərək, nəzərdə tutulan işlərin vaxtında başa çatdırılmasına nail olmuşdur.
Cari ilin sentyabrında həmin sahədən 20 min kubmetrədək neft şlamı çıxarılaraq bioremediasiya sahəsinə daşınmışdır. Hazırda bu əraziyə ştib və torpaq daşınmaqla yanaşı, bioremediasiya işlərinə də başlanılmışdır.
Bölmənin digər xəbərləri
