AFFA rəsmisi UEFA-nın iclasında iştirak edib
Bakı, 22 mart, AZƏRTAC
Klubların Lisenziyalaşdırılması Departamentinin direktoru Elçin Məmmədov UEFA-nın Klubların Lisenziyalaşdırılması Komitəsinin növbəti iclasında üzv olaraq iştirak edib.
AFFA-dan AZƏRTAC-a verilən məlumata görə, iclas UEFA-nın İsveçrənin Nyon şəhərində baş tutub. Toplantı zamanı aşağıdakı məsələlər müzakirə olunub:
- Klubların lisenziyalaşdırılması üzrə UEFA tərəfindən Milli Assosiasiyalara dəstək fəaliyyətləri;
- Klublara həmrəylik ödənişlərinin lisenziyalaşdırma sistemi ilə əlaqələndirilməsi;
- UEFA Maliyyə Davamlılığı qaydaları haqqında yeniliklər;
- UEFA-nın Klublara Maliyyə Nəzarəti Orqanının fəaliyyətini tənzimləyən prosedur qaydalarında dəyişikliklər;
- Avropa klublarının maliyyə və investisiyalarına dair UEFA-nın hesabatı.
Bölmənin digər xəbərləri
