AKROBATLARIMIZ BEYNƏLXALQ TURNİRDƏ GÜMÜŞ MEDAL QAZANMIŞLAR
Odessada idman akrobatikası üzrə “Dəniz incisi” beynəlxalq turniri başa çatmışdır. Bu ənənəvi yarışda çıxış edən idmançılarımız Ayla Əhmədova və Dinarə Abbasova çoxnövlülükdə gümüş medallar qazanmışlar.
Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, proqramın iki növündə - tarazlı və sürətli hərəkətlərdən sonra 4-cü yerə çıxan Bakı gimnastika məktəbinin təmsilçiləri qarışıq hərəkətləri səhvsiz yerinə yetirərək, fəxri kürsünün ikinci pilləsinə qalxmışlar.
Turnirdə 10 ölkənin idmançıları çıxış etmişdir.
Bölmənin digər xəbərləri
