ALMANİYA KOMANDASININ BAŞ MƏŞQÇİSİ İSTEFA VERDİ

24.06.2004 [19:17]
Çap et
A⁺ A^-

AZƏRTAC-ın xüsusi müxbiri xəbər verir ki, futbol mütəxəssisləri Rudi Föllerin bu qərarını məntiqə uyğun və düzgün addım adlandırırlar, çünki Avropa çempionatında zəif heyətlə çıxış edən Çexiya yığmasına 1:2 hesabı ilə uduzan komandanın baş məşqçisi ayrı cür hərəkət edə bilməzdi. Bir də ona görə ki, Almaniya komandası qızıl medallara əsas namizədlərdən sayılırdı. Digər tərəfdən, AFR-də keçiriləcək dünya çempionatına iki il qalır.

44 yaşlı Föller baş məşqçi vəzifəsindən istefa verdiyini jurnalistlərə iyunun 24-də bəyan etmişdir.

Almaniya Futbol İttifaqının prezidenti Gerhard Mayer-Forfelder onun bu qərarından təəssüfləndiyini bildirmişdir. O, Münxenin “Bavariya” klubunun sabiq məşqçisi Ottmar Xitsfeldi yığma komandanın baş məşqçisi vəzifəsinə əsas namizədlərdən biri kimi göstərmişdir.

Daha bir yığmanın - İspaniya komandasının baş məşqçisi İnyaki Saes də istefa vermək qərarına gəlmişdir. Bunu o, İspaniya Futbol Federasiyasının təcili çağırılan iclasından sonra açıqlamışdır.

ALMANİYA KOMANDASININ BAŞ MƏŞQÇİSİ İSTEFA VERDİ

MÜƏLLİFLƏ ƏLAQƏ

Bölmənin digər xəbərləri