Astana, 13 avqust, AZƏRTAC

Ankara ilə Astana arasında hərbi texnikanın və şəxsi heyətin hər iki ölkənin hava məkanından tranzitinə dair saziş layihəsi Qazaxıstan ictimaiyyətinə təqdim olunub.

AZƏRTAC Qazaxıstan Respublikasının kütləvi informasiya vasitələrinə istinadla xəbər verir ki, sazişin müddəalarına görə, tərəflərdən biri öz hərbi texnikasının və şəxsi heyətinin tranzitinin bu sənədə uyğun gəlmədiyi barədə qərar qəbul edərsə, o, tranzit üçün hər hansı icazədən imtina etmək hüququnu özündə saxlayır.

Qeyd olunur ki, tərəflər bu sənəd çərçivəsində alınan və ya verilən məlumatların mühafizəsini təmin edirlər.

“Məlumat verən tərəfin əvvəlcədən yazılı razılığı olmadan həmin məlumat açıqlana və ya üçüncü şəxsə verilə bilməz”, -deyə sənəddə qeyd olunur.

Elşən Rüstəmov

AZƏRTAC-ın xüsusi müxbiri

Astana