ANNA QURBANOVA LENTLƏ HƏRƏKƏTLƏRDƏ 5-Cİ OLDU

21.06.2004 [20:04]
Çap et
A⁺ A^-

Azərbaycan gimnastı Anna Qurbanova İsraildə keçirilən beynəlxalq Qran-Pri turnirində lentlə hərəkətlərdə 23.325 bal toplayaraq 5-ci yeri tutmuşdur. O, gürzlər, halqa və topla hərəkətlərin yerinə yetirilməsində müvafiq olaraq, 6,7, 8-ci nəticələr göstərmişdir. Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, “Neftçi”nin təmsilçisi mütləq birincilikdə 95,15 bal toplayaraq 9-cu olmuşdur.

Fəxri kürsünün ən yüksək pilləsinə dünya və Avropa çempionu rusiyalı Alina Kabayeva qalxmışdır. Ukraynalı Anna Bessonova ikinci, Belarus gimnastı İnna Jukova üçüncü yeri tutmuşlar.

Qran-Pri turniri ilə yanaşı keçirilən beynəlxalq müsabiqədə iki gimnastımız - Dina Qorina və Vəfa Hüseynova çıxış etmişlər. 29 gimnast arasında onlar, müvafiq olaraq, 15-ci və 16-cı yerlərə çıxmışlar.

Gimnastlarımızı qarşıda daha bir mötəbər turnir gözləyir. Onlar iyulun 31-i - avqustun 1-də Bolqarıstanın Varna şəhərində keçiriləcək Dünya kubokunun mərhələ yarışlarında çıxış edəcəklər.

ANNA QURBANOVA LENTLƏ HƏRƏKƏTLƏRDƏ 5-Cİ OLDU

MÜƏLLİFLƏ ƏLAQƏ

Bölmənin digər xəbərləri