AVROPA AZƏRBAYCANLILARI KONQRESİNİN NÖVBƏTİ QURULTAYI BOLQARISTANDA KEÇİRİLƏCƏK
AZƏRTAC xəbər verir ki, Avropa Azərbaycanlıları Konqresinin (AAK) növbəti qurultayı 2007-ci ilin yanvarında Bolqarıstanda keçiriləcəkdir.
Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov bildirmişdir ki, AAK-ın qurultayında Avropadakı Azərbaycan diaspor təşkilatlarının fəaliyyətinin səmərəliliyinin artırılması, onların arasındakı birliyin möhkəmləndirilməsi və digər məsələlər müzakirə olunacaqdır.
Qurultayda Avropa dövlətləri ilə yanaşı, Türkiyə, MDB, Baltikyanı və Asiya ölkələrində fəaliyyət göstərən Azərbaycan və türk diaspor təşkilatlarının nümayəndələri də iştirak edəcəklər.
Bölmənin digər xəbərləri
