Avropa çempionatı: Türkiyənin basketbol millisi bu gün Serbiyanı sınağa çəkəcək
Bakı, 3 sentyabr, AZƏRTAC
Basketbol üzrə Türkiyə millisi bu gün Avropa çempionatının A qrupunda son oyununa çıxacaq.
AZƏRTAC xəbər verir ki, yığma Serbiya seçməsi ilə üz-üzə gələcək. Görüşün qalibi qrup mərhələsini lider kimi tamamlayacaq.Latviyanın paytaxtı Riqada yerləşən “Xiaomi Arena”da keçiriləcək matç Bakı vaxtı ilə saat 22:15-də başlayacaq.
Bu gün, həmçinin Monteneqro Böyük Britaniyanı, Litva İsveçi, Finlandiya Almaniyanı, Estoniya Portuqaliyanı, Çexiya Latviyanı sınağa çəkəcək.
Turnirin 1/8 final oyunları sentyabrın 6-7-də, 1/4 final qarşılaşmaları ayın 9-10-da, yarımfinal matçları isə 12-də təşkil olunacaq. Avropa çempionunu müəyyənləşdirəcək final və üçüncülük görüşləri sentyabrın 14-də baş tutacaq.
Bölmənin digər xəbərləri
