Azərbaycan ağırlıqqaldıranı Avropa birinciliyində 3 bürünc medal qazanıb
Bakı, 21 avqust, AZƏRTAC
Azərbaycan ağırlıqqaldıranı İsa Hüseynov (60 kiloqram) Kosovonun Priştina şəhərində keçirilən U-15 və yeniyetmələrin Avropa birinciliyində 3 bürünc medal qazanıb.
AZƏRTAC xəbər verir ki, birdənqaldırma hərəkətində 93 kiloqramı çəkini başı üzərinə qaldıran idmançı yarışın bürünc mükafatını əldə edib. O, təkanla qaldırma növündə 116 kiloqram ağırlığın öhdəsindən gələrək yenə ən güclü üçlüyü tamamlayıb.
Beləliklə iki hərəkətin cəmində 209 kiloqram nəticə göstərən İsa Hüseynov toplamda da Avropa birinciliyinin bürünc medalına sahib olub.
Bölmənin digər xəbərləri
