AZƏRBAYCAN HƏQİQƏTLƏRİ MACARISTAN MƏTBUATINDA
Jurnalistin “Azərbaycan. Qaçqınlarla görüş” məqaləsində Ermənistan-Azərbaycan, Dağlıq Qarabağ münaqişəsi nəticəsində doğma yurd-yuvalarından didərgin düşmüş azərbaycanlıların ağır şəraitdə yaşadıqları qaçqın düşərgələrindən bəhs olunur. İmişli və Biləsuvardakı düşərgələrdə məskunlaşmış, vaqonlarda yaşayan qaçqınların ağır həyat şəraitinin şahidi olduğunu qeyd edən F.Kepeç, həmin yerləri Fələstin qaçqın düşərgələrinə bənzətmişdir.
Macar jurnalisti qaçqın düşərgələrində olarkən Budapeştdə erməni hərbçisini qətlə yetirmiş Azərbaycan Ordusunun zabiti Ramil Səfərovu yaxından tanıyan şəxslərlə də görüşmüşdür. Kepeç Qalağayın kəndindəki düşərgədə qaçqınların R.Səfərovun bir ermənini öldürdüyünə görə ömürlük həbs cəzasına məhkum olunduğu halda, yüzlərlə günahsız azərbaycanlını qanına qəltan etmiş ermənilərin azadlıqda gəzməsindən hiddətləndiklərini vurğulamışdır.
“Bakı Qarabağı verməyəcək” adlı ikinci məqaləsində macarıstanlı jurnalist Dağlıq Qarabağın tarixən Azərbaycan torpağı olduğunu bildirir. Məqaləsində Dağlıq Qarabağ münaqişəsinin həllində ATƏT-in Minsk qrupunun fəaliyyətinin hələlik heç bir nəticə vermədiyini yazan jurnalist erməni işğalçıları tərəfindən zəbt olunmuş torpaqlarının azad olunacağı təqdirdə Azərbaycanın sülhə razılıq verəcəyini bəyan etmişdir.
Ferenç Kepeç “Bakıda ölən qəhrəmanlar yad edilir” başlıqlı sonuncu yazısında Azərbaycanın ərazi bütövlüyü və müstəqilliyi uğrunda şəhid olmuş şəxslərdən bəhs etmişdir. O, 20 Yanvar faciəsi zamanı azərbaycanlıların azadlıqları uğrunda göstərdikləri fədakarlıqdan, Şəhidlər xiyabanının tarixindən ətraflı söhbət açmışdır.
Bölmənin digər xəbərləri
