İQTİSADİYYAT
Azərbaycan Kibertəhlükəsizlik Mərkəzinin komandası “Kibermüharibə” yarışında iştirak edəcək
![Azərbaycan Kibertəhlükəsizlik Mərkəzinin komandası “Kibermüharibə” yarışında iştirak edəcək](/files/2023/3/1200x630/16941086905620847059_1200x630.jpg)
Bakı, 7 sentyabr, AZƏRTAC
Azərbaycan Kibertəhlükəsizlik Mərkəzinin “ACC Predators” komandası ölkəmizdə ilk dəfə keçiriləcək “Kibermüharibə” yarışında iştirak edəcək.
Bu barədə AZƏRTAC-a Azərbaycan Kibertəhlükəsizlik Mərkəzindən bildirilib.
Qeyd edək ki, Azərbaycanda ilk dəfə təşkil olunacaq “Critical Infrastructure Defence Challenge 2023” (CIDC-2023) virtual müharibə simulyasiyası yarışında ümumilikdə 40 komanda mübarizə aparacaq. 3 mərhələdə keçiriləcək “Kibermüharibə” yarışının ilk 2 mərhələsi sentyabr ayında onlayn formatda, 3-cü mərhələsi isə oktyabrın 26-27-də 20 finalçı komanda ilə Bakı Konqres Mərkəzində baş tutacaq.
Qalib komanda 30 min AZN-lik mükafat əldə edəcək.