AZƏRBAYCAN NABUKKO LAYİHƏSİNİ HƏMİŞƏ DƏSTƏKLƏMİŞDİR
Budapeşt, 27 yanvar (AZƏRTAC). Azərbaycan Nabukko layihəsini həmişə dəstəkləmişdir və gələcəkdə də belə olacaqdır. Azərbaycan Prezidenti İlham Əliyev bunu Macarıstan paytaxtında Nabukko layihəsinə dair enerji sammitində çıxışında bildirmişdir.
Dövlətimizin başçısı demişdir ki, Bakıda keçirilən sammitdə də Azərbaycan öz mövqeyini bildirmişdir, bu layihədə iştirak edən bütün tərəflər əməkdaşlığa hazırdırlar. Azərbaycan təkcə tranzit ölkə deyil, həm də enerji mənbələri zəngin olan ölkədir. Bu layihə çərçivəsində yaxşı tərəfdaşlıq əlaqələrinin yaranacağına əminəm.
Prezident İlham Əliyev demişdir ki, birgə əməkdaşlıq nəticəsində bütün işlərin öhdəsindən gəlmək mümkündür. Azərbaycan layihəyə tərəfdardır və çox sıx əməkdaşlıq etməyə razıdır.
Bölmənin digər xəbərləri
