Azərbaycan Premyer Liqasında II tur start götürür
Bakı, 22 avqust, AZƏRTAC
Bu gün futbol üzrə Azərbaycan Premyer Liqasında II tura start veriləcək.
AZƏRTAC xəbər verir ki, ilk oyun günündə 2 qarşılaşma keçiriləcək.
Günün ilk matçında “Qəbələ” öz meydanında “Şəfa”nı qəbul edəcək. Görüş saat 18:30-da başlayacaq.
Digər oyunda isə “Zirə” “İmişli”ni sınağa çəkəcək. Qarşılaşma saat 20:45-də start götürəcək.
Qeyd edək ki, II turun “Sabah” – “Sumqayıt” və “Qarabağ” – “Kəpəz” matçları avrokuboklara görə təxirə salınıb. Tura avqustun 23-də 2 oyunla yekun vurulacaq.
Bölmənin digər xəbərləri
