Azərbaycan Premyer Liqasının növbəti mövsümü vaxtından tez yekunlaşa bilər
Bakı, 13 may, AZƏRTAC
Futbol üzrə Azərbaycan Premyer Liqasının 2016/2017-ci il mövsümü may ayınadək başa çata bilər.
AZƏRTAC xəbər verir ki, buna səbəb Bakıda IV İslam Həmrəyliyi Oyunlarının keçirilməsidir.
Mayın 12-22-də təşkil olunacaq Oyunların proqramına futbol da daxildir. Azərbaycan təşkilatçı ölkə olduğu üçün yarışa birbaşa qatılacaq. Milli komandanın daha yaxşı hazırlığı məqsədilə və stadionların həmin vaxt Təşkilat Komitəsinin ixtiyarında olacağı səbəbindən mövsümü daha erkən başa vurmaq lazım gələcək. Yekun qərar Təşkilat Komitəsinin mövqeyi öyrənildikdən sonra veriləcək.
Qeyd edək ki, bunadək Premyer Liqa mövsümü mayın sonlarında başa çatıb.
Bölmənin digər xəbərləri
