Azərbaycanda turizm sənayesi çox böyük sürətlə inkişaf etməkdədir
Bakı, 24 iyun (AZƏRTAC). Dünya üzrə ümumi milli məhsulun 10, ixracın isə 8 faizi beynəlxalq turizmin payına düşür. Dünyada əmək qabiliyyətli əhalinin 8,1 faizi turizm sektorunda və onunla bağlı iqtisadiyyat sahələrində çalışır. Son 3 ildə maliyyə böhranına baxmayaraq Dünya Turizm Təşkilatının turizmlə bağlı göstəricilərinə əsasən, bu sahənin gəlirləri artmışdır. Bu rəqəm dünya üzrə 2011-ci ildə 1 trilyon dolları keçmişdir.
Mədəniyyət və Turizm Nazirliyinin turizm şöbəsindən AZƏRTAC-a bildirmişlər ki, Azərbaycanda qeyri-neft sektorunun vacib hissəsinə çevrilmiş turizm sənayesi çox böyük sürətlə inkişaf etməkdədir. Beynəlxalq turizm statistikası göstərir ki, ötən il dünya miqyasında artımın rəqəmləri 5-6 faiz civarında olduğu halda, Azərbaycanda bu rəqəm 14 faiz təşkil etmişdir. İlk dəfə ölkəmizə gələn insanların sayı 2 milyon 134 min nəfər olmuşdur.
Bölmənin digər xəbərləri
