AZƏRBAYCANIN GÜRCÜSTANDAKI SƏFİRİ MARNEULİDƏKİ SOYDAŞLARIMIZLA GÖRÜŞMÜŞDÜR
AZƏRTAC xəbər verir ki, Azərbaycanın Gürcüstandakı səfiri Namiq Əliyev dekabrın 7-də Marneuli şəhərindəki Azərbaycanlıların Mədəniyyət Mərkəzində olmuş və soydaşlarımızla görüşmüşdür.
Mərkəzin idarə heyətinin sədri Fazil Əliyev azərbaycanlıların yığcam yaşadığı Borçalı bölgəsində soydaşlarımızın təhsil, dil, yeni iş yerlərinin açılması ilə bağlı problemlərinin həlli istiqamətində görülən işlər barədə səfirə məlumat vermişdir.
Səfir N.Əliyev Azərbaycan hökumətinin Gürcüstandakı soydaşlarımızın problemlərinin həllinə bundan sonra da diqqətlə yanaşacağını, əməli köməyini əsirgəməyəcəyini bildirmişdir.
Bölmənin digər xəbərləri
