Balakəndə 2 mindən çox fermer elektron sistem üzərindən subsidiya alıb
Balakən, 12 mart, Mustafa Dadaşov, AZƏRTAC
Balakən rayonu üzrə payızlıq əkinlə məşğul olan 2 mindən çox fermer bu günədək elektron sistem üzərindən “Fermer kartı” vasitəsilə subsidiya alıb.
Bu barədə AZƏRTAC-ın bölgə müxbirinə Balakən Dövlət Aqrar İnkişaf Mərkəzinin direktor müavini Elvin Səmədov məlumat verib.
Qurum rəsmisi bildirib ki, Balakən rayonunda indiyədək elektron sistemdə 7 min 802 fermer öz fərdi identifikasiya nömrəsi ilə qeydiyyatdan keçib. Onlardan 5 min 988 nəfəri payızlıq əkinlərini bəyan edib. İndiyədək 3 min 161 fermerin kartına subsidiya köçürülüb. 2060 fermer “Kapital Bank”ın rayon filialından “Fermer kartı”nı götürərək, subsidiya vəsaitindən istifadə edib.
Fermerlərin payızlıq əkin bəyanlarının yoxlanılması, kartların paylanması və subsidiyaların “Fermer kart”larına köçürülməsi prosesi davam edir.
Bölmənin digər xəbərləri
