Britaniyalı deputat həmkarlarının telefon nömrələrini yaydığı üçün üzr istəyib
London, 6 aprel, AZƏRTAC
Britaniyada Mühafizəkarlar Partiyasının deputatı Uilyam Vraq bir tanışlıq proqramında tanış olduğu şəxsə bəzi deputatların şəxsi telefon nömrələrini verib.
AZƏRTAC xəbər verir ki, Uilyam Vraq bu barədə “The Times”a etiraf edib, daha sonra hərəkətlərinə görə üzr istəyib.
Belə ki, Uilyam Vraq tanışlıq proqramındakı şəxsə öz intim şəkillərini yolladıqdan sonra, həmin şəxs tərəfindən təhdidlərə məruz qalıb. Bundan sonra isə Uilyam Vraq onu təhdid edən şəxsə arasında hökumət naziri, müşavirlər, bəzi sabiq deputatlar və parlamentdəki siyasi jurnalistlərin də olduğu ən azı 12 nəfərin telefon nömrəsini verib.
Uilyam Vraq deyib ki, qorxduğu üçün belə bir hərəkət edib. Polis hadisə ilə bağlı araşdırma aparır.
Qeyd edək ki, Uilyam Vraq 2015-ci ildə Böyük Mançester seçki dairəsindən deputat olub.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
