Bu il Bakıda 112 yaşayış binası üzrə 5097 mənzilə təbii qaz verilib
Bakı, 12 mart, AZƏRTAC
Cari ildə paytaxtda 112 yaşayış binası üzrə 5097 mənzil təbii qazla təmin edilib.
“Azəriqaz” İstehsalat Birliyindən AZƏRTAC-a bildirilib ki, Prezident İlham Əliyevin “Bəzi çoxmənzilli binaların istismarına icazə verilməsinin sadələşdirilməsi haqqında” 2019-cu il 19 fevral tarixli Fərmanının icrası ilə əlaqədar Bakı şəhərində bir çox binanın istismara qəbulu prosesi cari ildə də diqqətdə saxlanılır. Fərmandan irəli gələn məsələlərin operativ həlli məqsədilə “Azəriqaz” İstehsalat Birliyi müvafiq tədbirlərini davam etdirir. Belə ki, bu il yanvar ayının 7-dən fevralın 29-dək 112 yaşayış binası üzrə 5097 mənzil təbii qazla təmin olunub.
Bölmənin digər xəbərləri
