“Çelsi” klubu Qrem Potterin baş məşqçi postundan getdiyini açıqlayıb
Bakı, 3 aprel, AZƏRTAC
Qrem Potter “Çelsi” futbol klubunda tutduğu baş məşqçi vəzifəsini tərk edib. Bu barədə “Çelsi”nin mətbuat xidməti məlumat yayıb.
AZƏRTAC xəbər verir ki, “Çelsi”də baş məşqçi vəzifəsini Bruno Saltor icra edəcək.
47 yaşlı Potter “Çelsi”də 2022-ci il sentyabrın 8-dən baş məşqçi idi.
“Çelsi” İngiltərə çempionatının turnir cədvəlində 38 xalla 11-ci pillədə qərarlaşıb. Potterin rəhbərliyi ilə bu komanda Çempionlar Liqasının 1/4 finalına çıxıb və aprelin 12-də və 18-də “Real Madrid” ilə qarşılaşacaq.
Bölmənin digər xəbərləri
