DSX “Laçın” dövlət sərhədindən buraxılış məntəqəsinin Ermənistan tərəfində planlaşdırılan təxribatla əlaqədar xəbərdarlıq edib
Bakı, 25 iyul, AZƏRTAC
Əldə edilmiş məlumata əsasən, “Laçın” dövlət sərhədindən buraxılış məntəqəsinin qarşı tərəfdən olan girişində iyulun 26-da Ermənistan tərəfindən müxtəlif nəqliyyat vasitələrinin toplanmasını təşkil etməklə nümayişkaranə şəkildə növbəti təxribat əməli planlaşdırılır.
Bu barədə AZƏRTAC-a Dövlət Sərhəd Xidmətindən məlumat verilib.
“Ermənistan tərəfini bu kimi təxribat məqsədi daşıyan və vəziyyətin gərginləşməsinə xidmət edən əməllərdən çəkinməyə çağırırıq. Bir daha bildiririk ki, mümkün təxribat əməllərinə görə bütün məsuliyyət tam şəkildə Ermənistan tərəfinin üzərinə düşəcəkdir”, - deyə məlumatda bildirilib.
Bölmənin digər xəbərləri
