ELÇİN İSMAYILOV CÜDO ÜZRƏ AVROPA ÇEMPİONATININ YARIMFİNALINA ÇIXMIŞDIR
Buxarestdə keçirilən cüdo üzrə qitə çempionatında Azərbaycan idmançısı, ikiqat Avropa çempionu Elçin İsmayılov (66 kq) yarımfinala çıxmışdır. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, idmançımız ilkin görüşlərdə Bencamin Darbeleti (Fransa), Brayan Daykı (Niderland), Mikloş Unqvarini (Macarıstan) məğlub etmişdir. Azərbaycan cüdoçusu yarımfinalda Andreas Mitterfellnerlə (Avstriya) görüşəcəkdir.
Xatırladaq ki, Avropa çempionatında ölkəmizi daha 6 idmançı - Nicat Sultanov (60 kq), Zarur Paşayev (73 kq), Mehman Əzizov (81 kq), Mövlud Mirəliyev (100 kq), Kifayət Qasımova (57 kq), Nigar Cabbarova (52 kq) təmsil edir.
Bölmənin digər xəbərləri
