FƏLƏSTİN LİDERİ MÜALİCƏ OLUNMAQ ÜÇÜNFRANSAYA GƏLMİŞDİR

30.10.2004 [10:56]
Çap et
A⁺ A^-

AZƏRTAC-ın xüsusi müxbiri xəbər verir ki, qan dövranının pisləşməsi və həzm orqanlarının yaxşı işləməməsi diaqnozu qoyulmuş Fələstin Azadlıq Təşkilatının rəhbəri Yasir Ərəfat onu müayinə edən həkimlərin məsləhəti ilə müalicəsini davam etdirmək üçün oktyabrın 29-da Fransaya gəlmişdir.

Fələstinli lideri gətirən təyyarə Paris yaxınlığındakı Vilakubley hərbi hava limanına enmiş, oradan isə xüsusi vertolyotla O-de-Sen Departamentindəki Persi hərbi xəstəxanasına gətirilmişdir.

Romada Avropa Konstitusiyasının imzalanması mərasimində iştirak edən Prezident Jak Şirak Yasir Ərəfatın Fransa səfərinə açıqlama verərək demişdir ki, Fələstin lideri hərtərəfli müayinədən keçmək və burada müalicə olunmaq xahişi ilə hökumətə müraciət etmişdir.

Jak Şirak 75 yaşlı Fələstin rəhbərinə tezliklə sağalmağı arzulamışdır.