GƏLƏN İL AZƏRBAYCANDA İQTİSADİYYATA SƏRMAYƏ QOYULUŞUNUN VƏ XARİCİ TİCARƏT DÖVRİYYƏSİNİN HƏCMİ XEYLİ ARTACAQDIR
Azərbaycan Rsepublikasının İqtisadi İnkişaf Nazirliyindən AZƏRTAC-a bildirmişlər ki, 2005-ci ildə ölkənin iqtisadiyyatına bütün maliyyə mənbələri hesabına 22,9 trilyon manat və ya 4,7 milyard ABŞ dolları məbləğində sərmayə qoyuluşu nəzərdə tutulur. Nazirliyin proqnozlarına görə 2005-ci ildə ümumi daxili məhsul 47,8 trilyon manat, real artım sürəti isə 14,5 faiz təşkil edəcək. Bütün bunlar ticarətin, xüsusən də xarici ticarət dövriyyəsinin artımına imkan verəcəkdir. İlkin hesablamalara görə 2005-ci ildə xarici ticarət dövriyyəsi 12 faiz artaraq 6,9 milyard manata çatacaqdır.
Bölmənin digər xəbərləri
