Gəncədə “Turizmin inkişafı və gənclər” mövzusunda birinci Azərbaycan forumu işə başlamışdır
Gəncə, 18 iyun (AZƏRTAC). Gəncədə Azərbaycan Respublikasının Prezidenti yanında Gənclər Fondunun və Gəncə Şəhər İcra Hakimiyyətinin dəstəyi, “Odlar Yurdu” Gənclər İctimai Birliyinin təşkilatçılığı ilə ölkəmizdə ilk dəfə olaraq “Turizmin inkişafı və gənclər” mövzusunda birinci Azərbaycan forumu işə başlamışdır.
“Odlar Yurdu” Gənclər İctimai Birliyinin rəhbəri Nigar Ələsgərova AzərTac-a demişdir ki, forumun əsas məqsədi ölkənin turizm potensialından istifadə imkanlarının öyrənilməsi, regionların sosial-iqtisadi inkişafında turizm sektoru vasitəsilə gənclərin rolunu artırmaq, bu sahədə yeni kadrların formalaşmasına şərait yaratmaqdır.
Layihənin sonunda gənclər turizm şirkətlərində təcrübə keçməklə 5 gün ərzində təşkil olunacaq panellərdə peşəkar ekspertlərin təcrübələrini dinləyəcək, yeni informasiyalar əldə edəcəklər.
Respublikamızın müxtəlif bölgələrindən 100-dək gəncin iştirak etdiyi tədbirin gedişində Gəncənin görməli yerlərinə, Nizami Gəncəvinin məqbərəsinə, Cavad Xanın türbəsinə, şəhər tarix və diyarşünaslıq muzeyinə ekskursiyalar təşkil ediləcəkdir.
Bölmənin digər xəbərləri
