İlir Meta: Münaqişə ocaqlarında terrorçu qrupların fəaliyyəti narahatlıq doğurur
Bakı, 16 mart, AZƏRTAC
Qərbi Avropada və Balkan regionunda baş verən hadisələr təəssüf doğurur.
AZƏRTAC xəbər verir ki, bu barədə Albaniyanın sabiq Prezidenti İlir Meta XI Qlobal Bakı Forumu çərçivəsində keçirilən “Regional perspektivlər: Avropa İttifaqı və onun qonşuları” mövzusunda panel iclasında bildirib.
İ.Meta regionda sabitliyin pozulmasının yaxşı hal olmadığını və istər-istəməz qonşularda da təşviş yaratdığını diqqətə çatdırıb.
Aİ-yə üzvlük məsələsi ilə bağlı fikirlərini bölüşən Forum iştirakçısı ortaq prinsiplərə riayət edilməsinin vacibliyini vurğulayıb.
“Münaqişə ocaqlarında terrorçu qrupların fəaliyyəti narahatlıq doğurur. Bunun qarşısı alınmalıdır”, - deyə Albaniyanın sabiq Prezidenti qeyd edib.
Bölmənin digər xəbərləri
