SİYASƏT
İtaliyada “İtaliyaya yaxın və uzaq Qarabağ” mövzusunda ədəbi-kompozisiya təqdim olunmuşdur
Bakı, 8 dekabr (AZƏRTAC). İtaliyanın Milan şəhərində Cüzeppe Verdi adına Konservatoriyada Milan könüllülərinin 21-ci ildönümünə həsr olunmuş ədəbi-bədii gecə keçirilmişdir.
Diasporla İş üzrə Dövlət Komitəsinin mətbuat xidmətindən AZƏRTAC-a bildirmişlər ki, gecənin birinci hissəsində konservatoriyanın professoru Davide Gualtieri və Milandakı “Azəri” Azərbaycan Mədəniyyət Assosiasiyasının sədri, “Aida” və “Orizon” rəqs akademiyasının dosenti Mais Nuriyevin layihəsi əsasında hazırlanan “İtaliyaya yaxın və uzaq Qarabağ” mövzusunda ədəbi- kompozisiya təqdim edilmişdir.
Tədbirdə professor D.Gualtieri Azərbaycanda səfərdə olarkən Qarabağ müharibəsinin canlı şahidlərlə görüşündən danışmışdır. O, tamaşaçılara Azərbaycanın tarixi torpağı olan Dağlıq Qarabağda və Xocalıda ermənilərin törətdikləri vəhşiliklər haqqında ətraflı məlumat vermişdir.
Sonda konservatoriyanın xoru Xocalı soyqırımına həsr olunmuş kompozisiyanı təqdim etmişdir.