Kompüter, elektron və optik məhsulların istehsalı artıb
Bakı, 31 mart, AZƏRTAC
Yanvar-fevral aylarında kompüter, elektron və optik məhsulların istehsalı artıb.
Dövlət Statistika Komitəsindən AZƏRTAC-a bildirilib ki, iki ayda kompüter, elektron və optik məhsulların, elektrik avadanlıqlarının istehsalı sahələrində 33,8 milyon manatlıq məhsul istehsal olunub, əvvəlki ilin yanvar-fevral ayları ilə müqayisədə kompüter, elektron və optik məhsulların istehsalı 5,7 dəfə artıb.
Dövr ərzində əvvəlki ilin yanvar-fevral ayları ilə müqayisədə avtomatik tənzimləmə və idarəetmə üçün cihaz və aparatların istehsalı 14,1 dəfə, 1000 voltadək gərginlik üçün hesablanmış elektrik cərəyanı naqillərinin istehsalı isə 2,4 dəfə çoxalıb.
Bölmənin digər xəbərləri
